Pabindra Deka
শ্ৰী পবিন্দ্ৰ ডেকা অসমৰ এজন চিন্তাশীল ৰাজনৈতিক কৰ্মী৷ ১৯৭৭ চনত সক্ৰিয় ৰাজনীতিলৈ অহাৰ আগতে তেওঁ সদৌ অসম ছাত্ৰ সন্থাৰ লগত জড়িত হৈ ১৯৭৩-৭৪ চনত সদৌ অসম ছাত্ৰৰ সভাপতি হিচাপে কাৰ্য্য নিৰ্বাহ কৰিছিল৷ আৰু সদৌ অসম ছাত্ৰ সন্থাৰ নেতৃত্বত চলা কেবাটাও ছাত্ৰ আন্দোলনৰ নেতৃত্ব বহন কৰিছিল৷
শ্ৰীডেকা ছবছৰীয়া অসম আন্দোলন তথা বিদেশী বিতাড়ন আন্দোলনৰ অন্যতম প্ৰধান নেতা আছিল৷ ডেকাই সদৌ অসম গণ সংগ্ৰাম পৰিষদৰ আহ্বায়ক হিচাপেও কাৰ্য্যনিৰ্বাহ কৰিছিল৷ উক্ত আন্দোলনত তেওঁ কেবাবাৰো কাৰাবাস খাটিবলগীয়া হৈছিল৷
১৯৮৫ চনত শ্ৰীডেকাই প্ৰথম বাৰৰ বাবে অসম বিধান সভাৰ নিৰ্বাচনত অসম গণ পৰিষদৰ প্ৰাৰ্থী হিচাপে অংশ লৈছিল৷ উক্ত নিৰ্বাচনত অসমৰ ভিতৰত সৰ্বোচ্ছ ভোট লাভ কৰি তেওঁ অসম বিধান সভালৈ নিৰ্বাচিত হৈছিল আৰু অসমৰ এজন কেবিনেট মন্ত্ৰী হিচাপে অসমৰ ৰাইজলৈ সেৱা আগবঢ়াইছিল৷ পাটাছাৰকুছি সমষ্টিপৰা শ্ৰীডেকাই মুঠ তিনিবাৰ অসম বিধান সভাৰ সদস্য হিচাপে নিৰ্বাচিত হৈছিল৷
বৰ্ত্তমান শ্ৰীডেকাই সক্ৰিয় আৰু দলীয় ৰাজনীতি পৰা স্ব-ইচ্চাই অৱসৰ গ্ৰহণ কৰিছে৷
শ্ৰীডেকাই ছাত্ৰাৱস্থাৰ পৰাই সাহিত্য-চচৰ্চাত মনোনিৱেশ কৰিছিল৷ আজিও তেওঁ সাহিত্য চচৰ্চা অব্যাহত ৰাখিছে৷ তেওঁ অসমীয়া সাহিত্যৰ ভৰাললৈ ইতিমধ্যে ভালেমান গ্ৰন্থ বৰঙনি হিচাপে আগবঢ়াবলৈ সক্ষম হৈছে৷
শ্ৰীডেকাৰ শেহতীয়া প্ৰকাশিত গ্ৰন্থখন হ’ল– মহাকবি ডাণ্টেৰ ‘‘ডিভাইন কমেডিঃ স্বৰ্গীয় প্ৰেমৰ দাৰ্শনিক কাহিনী৷ ’’
About Library
Membership Apply
Tratri
